ناندیڑ:مکھیڑ تعلقہ میں شوہر نے بیوی کو قتل کرڈالا

ناندیڑ: ۴؍جولائی ( نامہ نگار)مکھیڑ تعلقہ کے شکارا گاؤں میں ایک بے رحم شوہر نے جادو ٹونے کے شبہ پر اپنی بیوی کو کتی سے مار کر قتل کرڈالا ۔ تفصیلات کے مطابق شکارا گاؤں کا رہنے والا رامداس آچے واڑ (۳۵سال ) یہ اپنی بیوی سنیتا (۳۰سال ) پر شک کرتا تھا کہ وہ اس کے خلاف جادو ٹونا کررہی ہے ۔



اسی بات کو لے کر گزشتہ رات اُس نے سنیتا کو مارپیٹ کی اور کہا کہ تو مجھ پر کرنی کرتی ہے یہ کہہ کر اُس نے کتی سے اپنی بیوی کے گلے ، گردن ، اور سرپر کتی سے وار کرکے اُسے قتل کرڈالا ۔ راجو کدم وار ساکن ساؤلی بلولی کی شکایت پر مکھیڑ پولس اسٹیشن میں رامداس آچے واڑ کے خلاف قتل کا مقدمہ درج کیاگیا ہے ۔